MEDOR hefur fengið umboð fyrir XRF búnað frá japanska fyrirtækinu Rigaku. Fyrir þá sem ekki vita það, stendur XRF fyrir X-ray fluorescence og er aðferðin notuð til að ákvarða hlutföll frumefna, aðallega í föstum sýnum, án verulegrar forvinnslu sýnanna (non-destructive). Aðferðin byggist á því að röntgengeislum er skotið á sýnið og endurkastið mælt, en hvert frumefni ljómar (XRF) með einkennandi hætti, n.k. fingrafar viðkomandi frumefnis. Þannig er hægt að mæla, hvaða frumefni eru til staðar í sýninu og í hvaða magni, með tiltölulega einföldum hætti. Þessi tækni kemur í mörgum mismunandi útfærslum og gagnast m.a. við grunnrannsóknir, kennslu og eftirlit hjá háskólum, stofnunum og í ýmiss konar iðnaði.